حكايات ومواقف كوميدية ومضحكة في الجيم - مواقف كوميدية في صالة كمال الاجسام
يحدث الكثير من الموقف والطرائف الكوميدية داخل صالة كمال الاجسام (الجيم) وبعد عرض صفحة جيم مصر المختصة بكمال الاجسام سؤال ان يكتب اي كل شخص حصل معه موقف كوميدي داخل الجيم جأت ردود ومواقف كوميدية ومضحكة كثيرة وفي هذا الموضع سنعرض اهم هذه الردود والمواقف .
موقف رقم 1 : كنت بلعب قطانية والوزن تقيل جيصت من تقل الوزن ههههههههه
موقف رقم 2 : مره وقعت البار فيه 100 كيلو على واحد و من ساعتها مجاش الجم تانى و شفته بعدها بشهر ف الشارع مسلمش عليا
موقف رقم 3 : واحد بيلعب بوزن 80 على البار عالجهاز وراح شايل الوزن من ناحيه وحده راح البار قالب فى وشه وواخد لو زجاج كامل صاحب الصاله حلف عليه طلاق ليجيب زجاج على حسابه فعلا اشتراه ومن يومها مش شفته
موقف رقم 4 : ياكبتن أنا بقالى شهرين مشترك معاكم ولسـه وزنى زي ما هوو
الكابتن : انت بتيجي كام مره ف الأسبوع ؟
ايه دا هو أنا لازم آجى ! :)
موقف رقم 5 : كنت بتمرن بنش وكان ف واحد بيتمرن بنش برضوا والوزن كان تقيل عليه وهو بيحط البار وقع ع دماغه وف نفس الوقت بعدها بكام ثانية النور قطع وفضل يقول انا اتعميييييت الحقوني الحقوني انا اتعميت وانا وكل اللاعيبة كنا ميتين من الضحك
موقف رقم 6 : مره لاقيت واحد بيلعب ذراع وراح مره واحده قالب كتف بقوله بتعمل ايه قالي بفاجئ العضله هههههههههه
موقف رقم 7 : واحد كان داخل الجيم بيشرب سيجارة حشيش وعلى الباب صحابه دخلوا وهو وقف بره يشد نفسين من السيجاره المهم شافنى وانا داخل راح شادد نفسين بسرعه ورامى السيجاره فانا بقولوا يابنى كملها وبعدين ادخل العب راح محرك كتافه كانوا بيشد الترابيس وقالى لا ياعم لازم ادخل التمرين فايق .
موقف رقم 8 : اول يوم نزلت الجيم رحت العب قطنية بدل ما اسند براسي ع المسند حطيت رحليا فوق وراسي تحت والمصيبة الناس قاعدة تقولي ..عااااش.. هههههههههههههه
موقف رقم 9 : الكوتش عندنا فى الجيم قالى انتا جبت التمرين داا منين .. قولتلو من جيم مصر قالى بقا كداا تخون العشره وتروح جيم تانى اخس عليك بجد بس انا فهمتو يعنى انها بيدج وبقا متابعكو ع طول
موقف رقم 10 : كنت في يوم واكل 5 بيضات قبل ما انزل بشويا رحت اليوم ده الجيم كانو راشين فيه معطر جو .. وانا شغال عمال افسي والحته اللي افسي فيها اسيبها وامشي اروح افسي في حته تانيه . هههههههههههههه
موقف رقم 11 : كان واحد صحبى بيلعب معايه فشال وزن ثقيل وحزق حزقا ومره وحده سمعنا وشمينا اكير بكبورت فتح علينا.
موقف رقم 12 : مره في تمرينه كتف انا وصحبي وكان هيساعدني من قدام وكان صحبي لابس شورت ورافعه اوي ويلا مستعد 1 2 3 هبا هنرفع لقينه الشورت بتاعه من تحت فرقع وسقط منه ههههههههههههههه
موقف رقم 13 : واحد كان بيلعب بأوزان كبيره ولسه مبتدئ فواحد صاحبي عاوز يقوله العضله كده هتتفسخ منك قام قايله خد بالك العضله كده هتفسي انا ركنت الضامبل واتفشخت ضحك
موقف رقم 14 : فى جيم الجامعة اول سنة ليا جبت صحابى اعلمهم شوية حركات مصارعة رومانية على البساط بتاع اﻻيروبكس .. فجأة طلع من ناحية الاجهزة واحد طول بعرض جاى ناحيتنا و قال مين فيكم اللى بيلعب مصارعة !! كل صحابى شاوروا عليا و انا اصلا كان بقالى بتاع سنتين و نص متمرنتش قاللى تعالى هلاعبك و بعد ما جهزت و ياللا هنعجن فى بعض قاللى انا بطل افريقيا 4 مرات .. بس يا سيدي و لقيت نفسى عمال اتحدف على البساط فى كل اﻻتجاهات و كان شكلى وحش اوى
موقف رقم 15 : مره واد عصعوص أوي جه في أول يوم يتمرن في الكابتن دخله بنش بـ 10 كيلو وهو مش قادر يشيل
وهو بيزق البار علي اخره لفوق بيقول الكابتن : ععععععع يا كابتن انا حاسس إني لحام صدري هيفك
الصاله كلها كانت بتاكل في الفرش بتاعها من كتر الضحك
هههههههههههههههههههه
موقف رقم 16 : كنت جايب صاحبي معايا الجيم اول مره ماشي يتفرج علي الاجهزه والناس اللي بتلعب ويقولي ده ايه اقوله كذا وكده. جيه عند جهاز العقله كان في واحد لافف وسطه بسلسله ومعلق فيها اوزان وطالع نازل والكابتن عمال يعدله .وقف صاحبي قدامه كده شويه وقالي ده انا عرفته الراجل ده من ايام الكفار وجايبينه يعذبوه هنا . الراجل سمع الكلام ده وقع من العقله هو والاوزان علي الارض من كتر الضحك
موقف رقم 17 : وانا بلعب بالبار عيل جيه شد شعر رجلي كان هيوديني المولد
موقف رقم 18 : او مرة روحت الجيم لقيت واحد بيقولى انت بتلعب غلط واللعبة كدة وقعد يشرحها وهو واقف .. قمت عملت زى ما هو بيقول وهو لعب معايا.. شوية دخل واحد ضخم شوية لقيتة بيقولنا انتو بلعبو التمرينة دى غلط فا ببص للى جمبى لقيتة قلب بطة بلدى وقعد يسمع واللى بيشرح دا بقا لعب معانا مجموعتين علشان يشجعنا ونعرف نلعبها صح .. شوية ولقينا الكابتن جاى وبيقولنا انتو بتلعبو غلط .. قمت قايلهم والمصحف ما عدت داخل الجيم دا تانى واخدت هدومى واتكلت على الله
موقف رقم 19 : مرة كنت بساعد واحد و هو بيشيل وزن تقيل لاول مرة بالنسباله , و لقيت واحد بيشرب من العصير بتاعى ,, سبت الوزن وقع على الواد و جريت عشان الحق العصير قبل ما يخلص .
موقف رقم 20 : مره كنت في الجيم انا وصاحبي وكان اول يوم ليه الكوتش قاله العب تبادل بالعشره 10 عدات دخل عدتين وهنج الكوتش قاله خلاص العب بالخمسه ومقدرش يكمل راح قاله خش بال 2.5 بتاعت روبي .
موقف رقم 21 : مرة واحد قالى تعالا ساعدنى في تمرين البنج قولتلو ماشي
المهم حط 40 و 40 _ وبعد كده لقيته رفع البار لوحده ولعب اول 3 عدات لوحده وفي الرابعة لقيته مش قادر المهم بيقولى وهو وشه احمر ( معايا معايا ) قولتله منا معاك و اول ما هتصوت هعرف ان البار وقع عليك راح ضاحك مرة واحدة البار وقع على دماغه.
0 التعليقات